وزیراعظم کا تمام ایس سی او رکن ممالک کےساتھ مل کر کام کرنےکےپاکستان کےعزم کا اعادہ کیا ہے، وزیراعظم شہبازشریف نے شنگھائی تعاون تنظیم اجلاس میں قازقستان کی شرکت کا خیرمقدم کیا ہے۔
اسلام آباد میں وزیر اعظم محمد شہباز شریف سے آج شنگھائی تعاون تنظیم کونسل آف ہیڈز آف گورنمنٹ (CHG) اجلاس کے موقع پر جمہوریہ قازقستان کے وزیر اعظم جناب اولزہاس بیکوتینوو نے دو طرفہ ملاقات کی۔
شنگھائی تعاون تنظیم کونسل آف ہیڈز آف گورنمنٹ اجلاس اجلاس میں قازقستان کی شرکت کا خیرمقدم کرتے ہوئے وزیر اعظم نے شنگھائی تعاون تنظیم کے اصولوں اور مقاصد کو آگے بڑھانے کے لیے تنظیم کے تمام رکن ممالک کے ساتھ مل کر کام کرنے کے پاکستان کے عزم کا اعادہ کیا۔
اس سلسلے میں وزیر اعظم نے اس سال جولائی میں شنگھائی تعاون تنظیم کے سربراہان مملکت کے اجلاس کے لیے اپنے آستانہ کے دورے کا ذکر کیا اور شنگھائی تعاون تنظیم کے ممالک کے درمیان تعاون کو مضبوط بنانے میں قازقستان کے تعاون اور کردار کو سراہا۔
دونوں ممالک کے درمیان بہترین دو طرفہ تعلقات کا ذکر کرتے ہوئے وزیر اعظم نے دونوں ممالک کے درمیان تجارت اور سرمایہ کاری کو بڑھانے اور علاقائی روابط اور سلامتی کے لئے کام کرنے کی ضرورت پر زور دیا ہے ،دو طرفہ شراکت داری کے ادارہ جاتی میکانزم کے ذریعے، باقاعدہ اور اعلیٰ سطحی رابطوں کو برقرار رکھنے کی ضرورت پر زور دیا ہےزراعت اور تجارت کے مشترکہ ورکنگ گروپس کے اجلاس جلد از جلد بلانے کی ضرورت پر بھی زور دیا۔
قازقستان کے وزیر اعظم نے پاکستان میں شنگھائی تعاون تنظیم کے سربراہی اجلاس کے کامیاب انعقاد پر وزیر اعظم کو مبارکباد دی اور شنگھائی تعاون تنظیم کے سربراہ کے طور پر پاکستان کے مثبت کردار کو سراہاہے انہوں نے علاقائی روابط، تجارت اور ترقی کو بڑھانے کے لیے قازقستان کے بطور شنگھائی تعاون تنظیم کے رکن کے طور پر اور دو طرفہ طور پر پاکستان کے ساتھ مل کر کام کرنے کے پختہ عزم کا اعادہ کیا۔
انہوں نے کہا کہ قازقستان پاکستان کو جنوبی ایشیاء میں ایک بڑے تجارتی شراکت دار کے طور پر دیکھتا ہےدونوں فریقین نے مستقبل میں دو طرفہ تجارت بڑھانے کے حوالے سے مل کر کام کرنے پر اتفاق کیا۔
