پاکستانی روپے کے مقابلے میں امریکی کرنسی ڈالر کی قدر میں کمی ہوگئی۔
سٹیٹ بینک آف پاکستان ( ایس بی پی ) کی جانب سے جاری کردہ اعداد و شمار کے مطابق کرنسی مارکیٹ میں 2 روز کے وقفے کے بعد روپیہ پھر سے تگڑا ہوگیا ہے۔
مرکزی بینک کے مطابق کاروباری ہفتے کے دوسرے روز انٹربینک میں ڈالر کی قدر 2 پیسے گر کر 277 روپے 69 پیسے پر آگئی۔
یاد رہے کہ پیر کو انٹربینک میں ڈالر 277 روپے 71 پیسے پر بند ہوا تھا۔
دوسری جانب اوپن مارکیٹ میں بھی ڈالر کی قیمت میں کمی ریکارڈ کی گئی ہے۔
کرنسی ڈیلرز کے مطابق اوپن مارکیٹ میں ڈالر 10 پیسے سستا ہونے کے بعد 279 روپے 84 پیسے پر آگیا۔
