کراچی میں مختلف ٹریفک حادثات میں بچے سمیت چھ افراد جاں بحق اور چار زخمی ہو گئے
ریسکیو کارکنوں کے مطابق جیل چورنگی پل پرتیز رفتار گاڑی کی ٹکرسے دو موٹرسائیکل سوار جاں بحق اور ایک شدید زخمی ہوا۔ اخترکالونی میں گاڑی نے سڑک کراس کرنیوالے راہ گیروں کو ٹکر ماردی جس کے نتیجے میں ایک بچہ جاں بحق اور بچے سمیت دو افراد زخمی ہوگئے۔
ماڑی پورمیں ٹریفک حادثے میں دو افراد جاں بحق اورایک زخمی ہوا، جاں بحق افراد کی شناخت 17 سالہ فیضان اور 35سالہ عمیر کے نام سےہوئی، ادھر کورنگی بلال چورنگی کےقریب گاڑی کی ٹکر سے خدابخش نامی شہری جاں بحق ہوا، پولیس کسی بھی واقعے کے ملزم کو گرفتار نہیں کرسکی۔
