ضلع اورکزئی میں پاک فوج، فرنٹیئر کور نارتھ اور دیگر سیکیورٹی اداروں کے ساتھ اظہار یکجہتی کے لئے عوام کی جانب سے خصوصی ریلی کا اہتمام کیا گیا، ریلی میں بڑی تعداد میں علاقہ مشران اور نوجوانوں نے حصہ لیا۔
ریلی میں زندگی کے مختلف شعبوں سے تعلق رکھنے والے افراد نے پاک فوج اور دیگر سیکیوٹی اداروں کو امن و امان کے قیام کے لئے اقدامات پر خراج تحسین پیش کیا۔ اس موقع پر ریلی میں شرکاء نے بینرز اٹھا رکھے تھے جن پر سیکیورٹی فورسز کے حق میں نعرے درج تھے۔
شرکاء نے ریلی سے خطاب کرتے ہوئے کہا کہ ضلع اورکزئی میں امن کے قیام کے لئے سیکیورٹی فورسز کی قربانیاں ہمیشہ یاد رکھی جائیں گی۔ اور علاقہ کی عوام سیکیورٹی فورسز کے شانہ بشانہ امن کی حفاظت کرتی رہیں گی۔
