سانحہ بلوچستان میں دہشت گردوں نے معصوم لوگوں کا جو قتل و عام کیا، اس کی مثال تاریخ میں نہیں ملتی۔
یہ بربریت اور دہشت گردی کا ایک ایسا عمل ہے جس نے نہ صرف متاثرہ افراد کی زندگیوں کو برباد کیا بلکہ پورے ملک میں خوف اور تشویش کی لہر دوڑا دی۔
اسی افسوسناک سانحہ میں ملتان کے محمد آصف بھی اس بربریت کا نشانہ بنے، محمد آصف ایک سادہ اور محنتی شخص تھے جو بلوچستان سے اپنے نواحی علاقے میں واپس آ رہے تھے، لیکن دہشت گردوں نے انہیں بے دردی سے قتل کر دیا۔
محمد آصف کی بے گناہی اور ان کی شہادت نے نہ صرف ان کے خاندان کو گہرے صدمے میں ڈال دیا بلکہ پوری قوم کو دہشت گردی کے خلاف متحد ہونے کی ضرورت کا احساس دلایا، متاثرہ کے لواحقین اور مقامی علاقے نے اس دہشت گردانہ کارروائی پر شدید دکھ و غم کا اظہار کیا اور اعلیٰ حکام سے جلد انصاف کی امید رکھی ہے۔
عوامی اور حکومتی سطح پر اس سانحے کے مرتکب افراد کے خلاف سخت کارروائی کی ضرورت ہے تاکہ آئندہ ایسی کارروائیوں کو روکا جا سکے اور متاثرہ خاندانوں کو انصاف فراہم کیا جا سکے۔
