وزیر اعلیٰ خیبر پختونخوا علی امین گنڈا پور نے فیروز والا کالا شاہ کاکو انٹرچینج پر غصے میں گاڑی کا شیشہ توڑ دیا۔
پاکستان تحریک انصاف کی جانب سے صوبائی دارالحکومت کے علاقہ کاہنہ کی مویشی منڈی میں جلسے کا انعقاد کیا گیا تھا جس میں شرکت کے لئے خیبرپختونخوا سے بھی قافلے لاہور پہنچے۔
وزیر اعلیٰ علی امین گنڈا پور بھی ایک قافلے کی قیادت کرتے ہوئے کالاشاہ کاکو انٹرچینج پہنچے جہاں کارکنان اور پولیس کے درمیان بدنظمی دیکھی گئی۔
اس موقع پر وزیراعلیٰ علی امین گنڈا پور نے کلاشنکوف کے بٹ مار کر گاڑی کا شیشہ توڑ دیا۔
علی امین گنڈا پور کے ساتھ آنے والے کارکنان بھی پولیس اور شہریوں کے ساتھ الجھتے رہے اور انٹرچینج پر بدنظمی کے باعث گاڑیوں کی لمبی قطاریں لگ گئیں۔
