چیمپیئنز ون ڈے کپ میں لائنز نے مارخورز کو 35 رنز سے شکست دے دی۔
جمعہ کو فیصل آباد اقبال سٹیڈیم میں کھیلے گئے چیمپیئنز ون ڈے کپ کے آٹھویں میچ میں لائنز نے مارخورز کو 35 رنز سے ہرا کر ایونٹ میں پہلی کامیابی سمیٹ لی ہے۔
ایونٹ کے آٹھویں میچ میں لائنز نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 367 رنز بنائے جبکہ مارخورز کی ٹیم 368 رنز کے تعاقب میں 9 وکٹ پر 332 رنز بنا سکی۔
مارخورز کی جانب سے فخرزمان 82 اور سلمان آغا 69 رنز بنا کر نمایاں رہے۔
لائنز کی جانب سے شاہین آفریدی ، احمد دانیال ، خوشدل شاہ اور عامر یامین نے 2،2 وکٹیں حاصل کیں۔
چیمپیئنز کپ میں مارخورز کو تین فتوحات کے بعد پہلی شکست ہوئی جبکہ لائنز نے پہلی کامیابی اپنے نام کی ہے۔
