لاہور میں طیفی بٹ کے بہنوئی جاوید بٹ کے قتل کیلئے ریکی کرنیوالا ملزم افضل کو بھی گرفتار کرلیا گیا۔
تفصیلات کے مطابق لاہور گینگ وار کے شوٹرز اور ڈیل کروانے والے کرداروں کی گرفتاریاں جاری ہیں اور اسی تسلسل میں جاوید بٹ کی ریکی کرنے والے ملزم کو بھی گرفتار کر لیا گیاہے ۔آرگنائزڈ کرائم یونٹ ماڈل ٹاؤن نے کے مطابق ملزم افضل نے مقتول جاوید بٹ کے گھر سے لیکر کینال روڈ تک ریکی کی اور شوٹرز کو لوکیشنز سے آگاہ کرتا رہا
دوسری جانب شوٹر اظہر اور ڈیل کروانے والے ملزم عارف کے کوائف بھی سامنے آگئے ۔ امیر معصب کا ذاتی ملازم سینتیس سالہ عارف پتوکی کا رہائشی ہے جس کو تاحال پولیس گرفتار نہیں کرسکی۔شوٹراظہر کا تعلق پیسہ اخبار اسٹریٹ لاہور سے ہے ۔
پولیس نے 2شوٹرزاظہر،الیاس اورریکی کرنیوالےافضل کو گرفتار کرلیا ، دونوں شوٹرز نےجاوید بٹ کو کینال روڈ پر فائرنگ کرکے قتل کیا تھا، اظہراور الیاس کوآرگنائزڈ کرائم یونٹ نے خیبر پختونخوا سےگرفتار کیا تھا، عارف کی گرفتاری کیلئے چھاپے مارے جا رہے ہیں ۔
پولیس نے جاوید بٹ کے قتل میں استعمال ہونے والا رکشہ اورموٹرسائیکل بھی برآمد کرلی ہے ۔ پولیس ابھی تک قتل کیس کی تفتیش میں شوٹرز سمیت تین افراد کو گرفتار کرچکی ہے ۔ پولیس کا دعوی ہے کہ عارف بھی جلد گرفت میں ہوگا ۔
