جنوبی افریقا نے پاکستان ویمنز کو پہلے ٹی 20 میں 10 رنز سے شکست دے دی۔
پاکستان اور جنوبی افریقا کی ویمن کرکٹ ٹیمیں 3 میچز پر مشتمل ٹی 20 سیریز کے پہلے میچ میں ملتان سٹیڈیم میں مدمقابل تھیں جہاں مہمان ٹیم نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 132 رنز بنائے۔
ہدف کے تعاقب میں پاکستان ویمنز ٹیم مقررہ اوور میں 5 وکٹوں پر 122 رنزبناسکی اور اسے 10 رنز سے شکست کا سامنا کرنا پڑا۔
پاکستان کی جانب سے عالیہ ریاض 52 اور فاطمہ ثنا 37 رنز کے ساتھ نمایاں بیٹرز رہیں۔
تین میچز کی سیریز میں جنوبی افریقا کو ایک صفر کی برتری حاصل ہوگئی ہے۔
