چیمپئنز ون ڈے کپ کے 5 ویں میچ میں پینتھرز نے لائنز کو 84 رنز سے ہرادیا۔
پیر کو اقبال اسٹیڈیم فیصل آباد میں کھیلے جانے والے میچ میں پینتھرز نے پہلے بیٹنگ کرتے ہوئے 47 اوور میں 283 رنز بنائے جس کے جواب میں لائنز کی ٹیم 36 ویں اوور میں 199 رنز پر ڈھیر ہوگئی۔
پینتھرز کی جانب سے مبصر خان نے 90 اور حیدر علی نے 84 رنز کی اننگ کھیلی اور دونوں کھلاڑیوں کے درمیان 144 رنزکی شراکت قائم ہوئی جبکہ کپتان شاداب خان نے 37 سکور کیے۔
لائنز کی جانب سے احمد دانیال اور شاہین آفریدی نے 3،3 کھلاڑیوں کو آؤٹ کیا۔
ہدف کے تعاقب میں لائنز کی ٹیم 199 رنز تک محدود رہی، امام الحق 60 رنز کی اننگ کھیل کر نمایاں بیٹر رہے۔
شاداب خان اور اسامہ میر نے 3 ، 3 کھلاڑیوں کو آؤٹ کیا۔
پوائنٹ ٹیبل کے مطابق پینتھرز ایونٹ میں اب تک 3 میچز کھیل چکی ہے جس میں سے 2 میں کامیابی سمیٹی ہے جبکہ لائنز ابھی تک ایونٹ میں کوئی کامیابی نہیں سمیٹ سکی۔
