پاکستان کے فاسٹ باؤلر محمد عامر نے ٹی 20 انٹرنیشنل کرکٹ میں بھارتی باؤلر بھونیشور کمار کا ریکارڈ توڑ دیا۔
پاکستانی فاسٹ باؤلر محمد عامر ٹی 20 انٹرنیشنل میں بھونیشورکمار کا ریکارڈ توڑتے ہوئے سب سے زیادہ میڈن اوور کرانے والے دنیا کے تیسرے باؤلر بن گئے ہیں ۔
محمد عامر کے ٹی 20 کرکٹ میں میڈن اوورز کی تعداد 25 ہوگئی ہے جبکہ بھارتی باؤلر بھونیشور کمار نے 24 میڈن اوورز کروا رکھے ہیں۔
پاکستانی فاسٹ باؤلر نے یہ کارنامہ کیریبین پریمیئر لیگ ( سی پی ایل ) کھیلتے ہوئے سرانجام دیا ہے، وہ لیگ میں اینٹیگوا اور باربوڈا فالکنز کی نمائندگی کر رہے ہیں۔
اس فہرست میں سنیل نارائن 30 میڈن اوور کے ساتھ پہلی اور شکیب الحسن 26 اوور کے ساتھ دوسری پوزیشن پر موجود ہیں۔
