پنجگور میں تیزرفتار گاڑی نے موٹرسائیکل پر سوار ایک ہی خاندان کے چھ افراد کو کچل دیا ۔ جس کے نتیجے میں خاتون سمیت تین افراد جاں بحق جبکہ دو بچوں سمیت تین زخمی ہوگئے ۔
تفصیلات کے مطابق بلوچستان کے ضلع پنجگور میں سی روڑ پرتیزرفتارگاڑی نے موٹرسائیکل سوار خاندان کو ٹکر دے ماری ، جس کے نتیجے میں موٹرسائیکل پر سوار 6 افراد میں سے تین موقع پر جاں بحق ہوگئے۔
جاں بحق افرادمیں زلیخاابراہیم،4سالہ صبراللہ اور12سالہ فوزیہ شامل ہیں جبکہ زخمیوں میں22سالہ اسلام،5سالہ شاہ ولی اللہ اور 10 سالہ لڑکی شامل ہیں ، جاں بحق اور زخمیوں کا تعلق ایک ہی خاندان سے تھا۔
دوسری جانب پولیس نے گاڑی کے ڈرائیورکو گرفتار کرلیا، اور اس کیخلاف کارروائی شروع کر دی۔
