وفاقی کابینہ کا خصوصی اجلاس اتوار ( کل ) کو بلانے کا فیصلہ کر لیا گیا۔
وزیر اعظم شہباز شریف نے وفاقی کابینہ کا اجلاس کل طلب کر لیا ہے جس میں مجوزہ آئینی ترمیم کے مسودے کی منظوری لی جائے گی ۔
ذرائع کے مطابق وزیراعظم شہبازشریف کی زیر صدارت وفاقی کابینہ کا اجلاس پارلیمنٹ ہاؤس میں ہوگا ۔
کابینہ کی منظوری کے بعد آئینی ترمیم کا بل پارلیمنٹ کے دونوں ایوانوں میں پیش کیا جائے گا۔
دوسری جانب قومی اسمبلی کا اجلاس اتوار دن ساڑھے 11 اور سینیٹ اجلاس شام 4 بجے طلب کیا گیا ہے۔
