پنجاب کے ضلع رحیم یار خان کے حلقہ این اے 171 میں ہونے والے ضمنی انتخاب میں پاکستان پیپلز پارٹی نے میدان مار لیا۔
قومی اسمبلی کے حلقہ این اے 171 رحیم یار خان کے تمام پولنگ سٹیشنز کے غیر حتمی اور غیر سرکاری نتائج موصول ہو گئے ہیں جس کے مطابق پیپلز پارٹی کے امیدوار مخدوم طاہر رشید نے کامیابی سیمٹ لی ہے۔
301 پولنگ سٹیشنز کے غیر حتمی نتائج کے مطابق پاکستان پیپلز پارٹی کے مخدوم طاہر رشید الدین 116429 ووٹ لے کر پہلے نمبر پر رہے جبکہ تحریک انصاف کے حسان مصطفیٰ 58251 ووٹ لے کر دوسرے نمبر پر رہے ۔
این اے 171 میں مخدوم طاہر رشید الدین اور حسان مصطفیٰ سمیت 7 امیدوار مد مقابل تھے ، حلقے میں رجسٹرڈ ووٹرز کی تعداد5لاکھ 26ہزار973ہے اور 301 پولنگ اسٹیشنز بنائے کیے گئے تھے۔
