اسپیکر قومی اسمبلی ایاز صادق نے پارلیمنٹ ہاؤس کی حدود سے پاکستان تحریک انصاف ( پی ٹی آئی ) کے ارکان کی گرفتاریوں کی تحقیقات کیلئے سارجنٹ ایٹ آرمز کی سربراہی میں کمیٹی قائم کردی۔
اسمبلی ذرائع کے مطابق سارجنٹ ایٹ آرمز اشفاق احمد کی سربراہی میں قائم کمیٹی واقعات کا جائزہ لے کر اسپیکر کو میرٹ پر تفصیلی رپورٹ دے گی۔
اسپیکر ایاز صادق نے کمیٹی کو ہدایت کی ہے کہ پارلیمان کے اندر یا باہرسے جو بھی ملوث ہے نشاندہی کی جائے۔
سردار ایاز صادق کی جانب سے یہ بھی ہدایت کی گئی کہ ایوان میں سی سی ٹی وی ویڈیوز سمیت تمام شواہد جمع کئےجائیں۔
اسپیکر قومی اسمبلی کا کہنا ہے پارلیمان کے وقار کو مجروح کرنے کے ذمہ داران کو قرار واقعی سزا دی جائے گی۔
