پاکستان کرکٹ بورڈ ( پی سی بی ) کی جانب سے انڈر 19 ایونٹس کو ملتوی کردیا گیا۔
پی سی بی ذرائع کے مطابق انڈر 19 ایونٹس میں ویمن انڈر 19 و میل انڈر 19 چیمپئن شپ شامل تھیں تاہم، ایونٹس کو ملتوی کردیا گیا ہے۔
انڈر 19 ایونٹس کو چیمپئینز ون ڈے کپ سے متصادم ہونے کی بنیاد پر ملتوی کیا گیا ہے، چیمپئینز ایونٹس کے دوران دیگر ڈومیسٹک ایونٹس نہیں ہوں گے۔
انڈر 19 ایونٹس اب چیمپئینز ون ڈے کپ کے بعد اکتوبر میں ہوں گے۔
ایونٹس کے چند جگہوں پر تھری ڈے مقابلوں کا پہلا روز بھی مکمل ہوچکا تھا۔
شیڈول کے مطابق تھری ڈے مقابلوں کے بعد 14 ستمبر سے ون ڈے میچز کا آغاز ہونا تھا۔
