چیئرمین پی سی بی محسن نقوی نے کہا ہےکہ قومی ٹیم کے کپتان کا فیصلہ ہیڈ کوچز کریں گے۔
چیئرمین پی سی بی محسن نقوی نےمیڈیا سےغیر رسمی گفتگو کرتے ہوئے کہا کہ چیمپیئنزٹرافی پاکستان ہی میں ہوگی، تمام بڑے ممالک ہمارے ساتھ ہیں،تمام ترمنصوبہ بندی مکمل کرلی ہے،چئمپئینز ٹرافی پاکستان میں ہوگی سب ٹیمیں آئیں گی،جےشاہ سے رابطہ رہتا ہے آئی سی سی چئیرمین بننے پرپریشانی نہیں۔
محسن نقوی نےمزیدکہا انگلینڈ سے سیریز پاکستان میں ہی ہوگی،انگلینڈ سے میچز ملتان،راول پنڈی ہی میں کھیلے جائیں گے۔ 31 دسمبرتک قذافی اسٹیڈیم کاکام مکمل کرنے کی کوشش کریں گے، فرنٹ بلڈنگ اسٹیل کی ہوگی۔
چیئرمین پی سی بی نے کہا راول پنڈی اسٹیڈیم فی الحال اپ گریڈ نہیں ہوگا، پنڈی اسٹیڈیم پر فی الحال پیسہ لگانا فضول ہے،اسلام آباد کا نیا اسٹیڈیم دبئی کی طرزکا ہوگا،ایبٹ آباد میں بھی انٹرنیشنل اسٹیڈیم بنائیں گے۔
