انگلش کرکٹ بورڈ ( ای سی بی ) نے سابق ٹیسٹ کرکٹر برینڈن میک کولم کو انگلینڈ وائٹ بال ٹیم کا ہیڈ کوچ مقرر کر دیا ۔
انگلش کرکٹ بورڈ کی جانب سے برینڈن میک کولم کو وائٹ بال کا کوچ مقرر کرتے ہوئے ان کے معاہدے میں بھی 2027 تک توسیع کردی ہے۔
ای سی بی کے مطابق میک کولم جنوری 2025 سے ٹیسٹ اور وائٹ بال دونوں ٹیموں کی کوچنگ کریں گے۔
انگلینڈ کے وائٹ بال دورہ بھارت اور آئی سی سی چیمپئنز ٹرافی میں بھی میک کولم کوچنگ کریں گے۔
یاد رہے کہ میک کولم اس سے قبل انگلینڈ کی ریڈ بال ٹیم کے کوچنگ کے فرائض انجام دے رہے ہیں ۔
مارکس ٹریسکوتھک کو آسٹریلیا اور ویسٹ انڈیز کے خلاف سیریز کے لیے عبوری ہیڈ کوچ مقرر کیا گیا ہے۔
