پاکستانی روپے کے مقابلے میں امریکی کرنسی ڈالر کی قدر میں کمی ہوگئی ۔
سٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق کاروباری ہفتے کے دوسرے روز انٹربینک میں روپے کے مقابلے ڈالر کی قدر میں 10 پیسے کی کمی ریکارڈ کی گئی ہے ۔
مرکزی بینک کے مطابق منگل کو انٹر بینک میں امریکی ڈالر 278 روپے 32 پیسے پر بند ہوا ۔
یاد رہے کہ گزشتہ روز انٹر بینک میں امریکی ڈالر 278 روپے 42 پیسے پر بند ہوا تھا۔
ای کیپ کے مطابق اوپن کرنسی مارکیٹ میں ڈالر کی قدر 280 روپے پر برقرار رہی ۔
