بلوچستان کے شہر پشین پولیس لائن کے قریب دھماکے میں 3 جاں بحق جبکہ پولیس اہلکاروں سمیت متعدد افراد زخمی ہوگئے۔
پولیس کے مطابق پولیس لائن کے قریب دھماکے سے گاڑی اور موٹرسائیکل تباہ ہوگئی، دھماکے میں 5 پولیس اہلکاروں سمیت 13 افراد زخمی جبکہ ماں بیٹی سمیت 3 افرادجاں بحقے۔ لاشوں اور زخمیوں کو اسپتال منتقل کردیا گیا۔
یاد رہے کہ گزشتہ ماہ بھی بلوچستان کے ضلع پشین میں بند خوشدل خان روڈ پر بم دھماکے میں محکمہ انسداد دہشت گردی (سی ٹی ڈی) کی گاڑی کو نشانہ بنایا گیا ہے۔ پولیس نے بتایا کہ دھماکے میں ایک محافظ زخمی ہوا ہے جبکہ اسٹیشن ہاؤس افسر (ایس ایچ او) سی ٹی ڈی محفوظ رہے۔
ایس ایس پی منظور احمد بلیدی اور ترجمان ضلعی انتظامیہ سمیع ترین نے بتایا کہ ابتدائی تحقیقات اور شواہد سے معلوم ہوا ہے کہ یہ ایک آئی ای ڈی دھماکہ تھا جو ایک موٹر سائیکل میں نصب تھا۔دھماکے میں پولیس کے اہلکاروں کو نشانہ بنایا گیا ہے۔
