شوگر ایڈوائزری بورڈ کی جانب سے ایک لاکھ میٹرک ٹن چینی برآمد کرنے کی سفارش کر دی گئی ۔
وزیر صنعت و پیداوار رانا تنویرحسین کی زیرصدارت شوگرایڈوائزری بورڈ کا اجلاس ہوا جس میں وفاقی وزیر تجارت جام کمال خان بھی شریک ہوئے۔
اجلاس کے اعلامیہ کے مطابق ملک میں چینی اسٹاک کی دستیابی اور قیمتوں کا جائزہ لیا گیا ۔
اعلامیہ میں بتایا گیا کہ شوگر ایڈوائزری بورڈ نے ایک لاکھ میٹرک ٹن چینی برآمد کرنے کی سفارش کردی ہے جبکہ چینی برآمد کی حتمی منظوری کابینہ کی اقتصادی رابطہ کمیٹی دے گی ۔
اعلامیہ کے مطابق اجلاس سے خطاب کرتے ہوئے وفاقی وزیر رانا تنویر کا کہنا تھا کہ ملک میں سرپلس چینی موجود ہے اور فیصلے سے چینی کی ایکس ملز پرائس میں کسی قسم کا اضافہ نہیں ہوگا ۔
رانا تنویر کا مزید کہنا تھا کہ چینی کی برآمد کابینہ کی طے شدہ شرائط پر کی جائے گی۔
