پاکستان کرکٹ بورڈ ( پی سی بی ) نے پاکستان اور بنگلہ دیش کے درمیان دوسرے ٹیسٹ کیلئے ٹکٹوں کی قیمتوں کا اعلان کر دیا ہے۔
پی سی بی کے مطابق پاکستان اور بنگلہ دیش کے درمیان دوسرا ٹیسٹ 30 اگست سے شروع ہو گا اور پنڈی اسٹیڈیم میں ہونے والے میچ کی ٹکٹیں آج سے دستیاب ہونگی ۔
سہیل تنویر اور یاسر عرفات سٹینڈ کی ٹکٹوں کی قیمت 200 روپے رکھی گئی ہے جبکہ عمران خان اور جاوید میانداد اسٹینڈ کی ٹکٹوں کی قیمت 500 روپے ہوگی۔
ویک اینڈ پر عمران خان اور جاوید میانداد اسٹینڈ کی قیمت 600 روپے ہو گی۔
گیلری پاس جس میں لنچ اور چائے شامل ہو گا اسکی قیمت 2800 روپے رکھی گئی ہے جبکہ پلاٹینم باکس کی قیمت 12500 رکھی گئی ہے اور پلاٹینم باکس میں بھی لنچ اور چائے شامل ہوگی۔
شائقین کرکٹ کو ایوی ایشن پارک سے مفت شٹل سروس بھی فراہم کی جائے گی جبکہ گورنمنٹ سیٹلائٹ کالج سے بھی مری روڈ تک مفت شٹل سروس ہوگی۔
