پاکستان کرکٹ بورڈ نے آئی سی سی چیمپئنز ٹرافی 2025 پر غلط رپورٹنگ کی وضاحت جاری کر دی ہے جس میں کہا گیاہے کہ آئی سی سی چیمپئنز ٹرافی کی تاریخیں دوبارہ شیڈول کرنے کے بارے میں کوئی حقیقت نہیں ہے
پی سی بی نے بیان جاری کرتے ہوئے کہا کہ آئی سی سی چیمپینز ٹرافی کی تاریخوں میں ممکنہ تبدیلی کے بارے میں خبریں گمراہ کن ہیں، اس بارے میں پی سی بی چیئرمین کی بات چیت کو غلط طور پر پیش کیا گیا ہےتینوں اسٹیڈیمز کو وقت پر مکمل کرنا اور چیمپئنز ٹرافی کا انعقاد ہماری اولین ترجیح ہے۔ تعمیراتی کاموں کی وجہ سے ڈومیسٹک میچ منتقل ہوسکتے ہیں لیکن اس کا تعلق چیمپینز ٹرافی سے نہیں ہے ۔
