وفاقی وزیر اطلاعات عطا تارڑ کا کہنا ہے کہ وفاقی حکومت نے 200 یونٹ والے ملک کےتمام صارفین کوریلیف دیا ہے وفاق کے بعد پنجاب نے بجلی کے بلوں میں عوام کو ریلیف دیا ہے۔
اسلام آباد میں وفاقی وزیر اطلاعات عطاءاللہ تارڑ نے پریس کانفرنس کرتے ہوئے کہا کہ پنجاب حکومت 201 سے 500 یونٹ والوں کو ریلیف دیا ہے، پنجاب حکومت نےبھی ریلیف دیکراچھا اقدام کیا ہے، وفاقی حکومت نے 200 یونٹ والے ملک کےتمام صارفین کوریلیف دیا ہے۔
وفاقی وزیراطلاعات کا اپنی کانفرنس میں مزید کہنا تھا کہ پنجاب حکومت کا اقدام دوسرے صوبوں کیلئےترغیب ہے، پنجاب حکومت کےریلیف پرتنقیدکےبجائےتعریف کرنی چاہیے،دوسرے صوبے بھی اپنے عوام کو ریلیف دے سکتے ہیں ، امید تھی حافظ نعیم سمیت دیگرسیاسی رہنماءاس اقدام کوسراہتے،سب کو کہتا ہوں تنقید کے بجائے پنجاب کا ماڈل اپنائیں۔
