پاکستان کرکٹ بورڈ ( پی سی بی ) نے بنگلہ دیش کے خلاف ٹیسٹ سیریز کیلئے قومی ٹیم کی مینجمنٹ کا اعلان کردیا۔
پی سی بی کی جانب سے نوید اکرم چیمہ کو ایک بار پھر سے ٹیم مینیجر مقرر کردیا گیا ہے جبکہ جیسن گلیسپی ہیڈ کوچ اور اظہر محمود اسسٹنٹ کوچ ہوں گے۔
پی سی بی کے مطابق بنگلہ دیش کے خلاف سیریز میں ٹم نیلسن بطور ہائی پرفارمنس کوچ اور کلیف ڈیکن فزیو تھراپسٹ کام کریں گے ۔
اسٹرینتھ اینڈ کنڈیشننگ کوچ ڈریکس سیمن ہوان گے اور طلحہ بٹ ٹیم کے اینالسٹ ہوں گے ۔
پی سی بی نے ارتضیٰ کمال کو سکیورٹی مینیجر، سید نذیر احمد کو ٹیم کا میڈیا اور ڈیجیٹل مینیجر اور محمد عمران کو مساجر تعینات کیا ہے ۔
یاد رہے کہ پاکستان اور بنگلا دیش کے درمیان سیریز کا پہلا ٹیسٹ میچ 21 اگست سے راولپنڈی میں کھیلا جائے گا جبکہ دوسرا ٹیسٹ میچ 30 اگست سے کراچی میں ہوگا۔
