کوئٹہ میں گزشتہ رات 5 بم دھماکوں کے نتیجے میں 3 افراد جاں بحق اور 10 زخمی ہوگئے۔
پولیس کے مطابق منگل کی رات کو نامعلوم افراد نے کوئٹہ کے علاقے کلی دیبہ میں گرنیڈ لانچر کی مدد سے 3 دستی بم پھینکے جو آبادی میں جا گرے۔ دھماکوں کے نتیجے میں 70 سالہ خاتون سمیت 2 افراد جاں بحق اور 3 زخمی ہوگئے۔
اس سے پہلے لیاقت بازار کے چائنہ مارکیٹ میں بم دھماکے میں ایک شخص جاں بحق اور 6 زخمی ہوگئے۔ منگل کی صبح کوئٹہ کے علاقے منیر مینگل روڈ پر لڑکیوں کے سرکاری اسکول پر نامعلوم افراد کے دستی بم حملے میں سکول کا چوکیدار زخمی ہوا۔
