قومی ہیرو ارشد ندیم کو خراج تحسین پیش کرنے کے لئے پنجاب حکومت نے ٹی ایچ کیو اسپتال میاں چنوں کا نام ارشد ندیم کے نام سے منسوب کردیا ۔
محکمہ صحت پنجاب کے مطابق وزیر اعلیٰ پنجاب مریم نواز کی ہدایت پر گورنمنٹ تحصیل ہیڈ کوارٹرز اسپتال میاں چنوں کا نام تبدیل کیا گیا۔
اسپتال کا نیا نام گورنمنٹ ٹی ایچ کیو ارشد ندیم اسپتال رکھ دیا گیا۔
وزیر صحت پنجاب خواجہ عمران نذیر کا کہنا ہے 32 سال بعد پہلا گولڈ میڈل حاصل کرنے پر میاں چنوں اسپتال کا نام ارشد ندیم کے نام پر رکھا ہے۔
ان کا مزید کہنا تھا کہ پنجاب حکومت گولڈ میڈلسٹ ارشد ندیم کا واپسی پر فقید المثال استقبال بھی کرے گی۔
