پاکستان کے خلاف ٹیسٹ سیریز کے لئے بنگلہ دیش کرکٹ ٹیم 13 اگست کو لاہور پہنچے گی۔
پاکستان کرکٹ بورڈ ( پی سی بی ) کے مطابق ٹیسٹ سیریز کے لئے بنگلہ دیش کرکٹ ٹیم 13 اگست کو لاہور پہنچے گی۔
بنگلہ دیش ٹیم کو پہلے 17 اگست کو اسلام آباد پہنچنا تھا لیکن پی سی بی نے بنگلہ دیش بورڈ کو ٹیم پہلے بھیجنے کی پیشکش کی تھی جسے قبول کیا گیا ۔
شیڈول کے مطابق بنگلہ دیش ٹیم قذافی اسٹیڈیم لاہور میں تین دن پریکٹس کے بعد اسلام آباد جائے گی۔
پاکستان اور بنگلا دیش کے درمیان سیریز کا پہلا ٹیسٹ میچ 21 اگست سے راولپنڈی میں کھیلا جائے گا جبکہ دوسرا ٹیسٹ میچ 30 اگست سے کراچی میں ہوگا۔
