خیبرپختونخوا کے ضلع ڈیرہ اسماعیل خان اور ہنگو میں بم دھماکوں میں 3 افراد جاں بحق جبکہ متعدد زخمی ہوگئے۔
پولیس کے مطابق ڈی آئی خان کے علاقے گیلانی ٹاؤن میں گھر کے اندردھماکے میں 2افراد جاں بحق ہوگئے، لاشوں کو ڈسٹرکٹ ہیڈ کوارٹراسپتال منتقل کر دیا گیا جبکہ دھماکے کی نوعیت جاننے کےلیے تحقیقات جاری ہیں۔
دوسری جانب ضلع ہنگو میں سڑک کنارے دھماکا خیز مواد پھٹنے سے گاڑی کا ڈرائیور جاں بحق ہو گیا ہے، پولیس کے مطابق واقعہ ہنگو تھانہ سٹی حدود میں پیش آیا، پولیس لائن اور ڈسٹرکٹ جیل سے کچھ میٹرز کی دوری پر روڈ کنارے بم نصب تھا۔
ریسکیو حکام کے مطابق دھماکے میں 3 افراد زخمی بھی ہوگئے، جنہیں علاج کےلیے قریبی اسپتال منتقل کردیا گیا ہے، دھماکے سے متعلق تحقیقات کا آغاز کردیا گیا ہے۔
