رواں مالی سال کے پہلے ماہ میں پاکستانی روپے کے مقابلے امریکی کرنسی ڈالر کی قیمت میں 40 پیسے کا اضافہ ریکارڈ کیا گیا ہے۔
سٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق مالی سال کے پہلے ماہ ( جولائی ) کے آخری دن انٹربینک میں ڈالر کی قیمت میں 8 پیسے کا اضافہ ہوا۔
مرکزی بینک کے مطابق کاروباری ہفتے کے تیسرے روز انٹربینک میں ڈالر 8 پیسے کے اضافے کے بعد 278 روپے 74 پیسے بند ہوا۔
یاد رہے کہ منگل کو انٹربینک میں ڈالر 278 روپے 66 پیسے پر بند ہوا تھا۔
دوسری جانب ای کیپ کے مطابق اوپن مارکیٹ میں ڈالر کی قدر میں 10 پیسے کی کمی ہوئی اور نئی قیمت 280 روپے 50 پیسے ریکارڈ کی گئی۔
