خیبر پختونخوا کی مختلف جامعات کے طلبہ و طالبات نے پشاور میں پاک فوج کے ساتھ مصروف دن گزارا اور پاک فوج کے زیر استعمال چھوٹے بڑے ہتھیاروں سمیت آرمی ایوی ایشن کے زیر استعمال جہازوں کا مشاہدہ کیا۔
پاک فوج کے زیر استعمال ہتھیاروں میں طلبا نے خصوصی دلچسپی لی۔ وطن عزیز کے دفاع میں پاک فوج کی مثالی قربانیوں کو زبردست خراج تحسین پیش کیا اور اپنی افواج کے شانہ بشانہ کھڑے رہنے کے عزم کو دہرایا۔
طلبا نے اس طرح کے ایونٹس کو خوش آئند قرار دیتے ہوئے کہا بہت سی غلط فہمیاں دور ہوئیں۔ ان کا یہ سفر ہمیشہ یاد رہے گا۔ ہمیں فخر ہے کہ ہماری افواج کس جرآت مندانہ انداز سے وطن عزیز کے دفاع کیلئے جانوں کا نذرانہ پیش کر رہے ہیں۔ طلبا کا کہنا تھا یہ ملک اور یہ فوج ہماری ہے اور ہم اپنی افواج کے ساتھ ہیں۔
