پاکستان ویمنز کرکٹ ٹیم نے ویمن ٹی 20 ایشیا کپ میں پہلا میچ جیت لیا۔
پاکستان اور نیپال ویمنز کی ٹیمیں ٹی 20 ایشیا کپ کے میچ میں دمبولا میں مدمقابل تھیں جہاں گرین شرٹس نے 9 وکٹوں سے شکست دے کر ایونٹ میں پہلا میچ جیت لیا۔
نیپال نے پہلے بیٹنگ کرتے ہوئے 6 وکٹوں کے نقصان پر 108 رنز بنائے اور پاکستان کو جیت کے لئے 109 رنز کا ہدف دیا۔
جواب میں پاکستان نے مطلوبہ ہدف ایک وکٹ کے نقصان پر 12 ویں اوور میں حاصل کرلیا۔
پاکستان کی جانب سے گل فیروزہ نے سب سے زیادہ 57 رنز بنائے جبکہ منیبہ علی 46 رنز کے ساتھ ناقابل شکست رہیں۔
