اسلام آبادہائیکورٹ کےجسٹس میاں گل حسن اورنگزیب نے پی ٹی آئی کارکن صنم جاوید کی بازیابی کیلئےدائردرخواست پرتحریری فیصلہ جاری کیا۔
اسلام آباد ہائیکورٹ کےجسٹس میاں گل حسن اورنگزیب کی جانب سے جاری کئے گئے تحریری فیصلے میں کہا گیا ہے کہ اٹارنی جنرل نےبتایاصنم جاوید کوکسی بھی مقدمےمیں گرفتارنہیں کیاجائےگا۔
فیصلے میں کہا گیا کہ اٹارنی جنرل یقین دہانی کروائی ہے کہ بلوچستان پولیس بھی راہداری ریمانڈ کیلئےرجوع نہیں کرےگی، صنم جاوید پنجاب میں اپنےگھرجانےکیلئےآزاد ہیں۔
فاضل جج کے تحریری فیصلے میں مزید کہا گیا کہ درخواست گزارکی جانب سےاٹارنی جنرل کی یقین دہانیوں پراطمینان کااظہارکیاگیا،صنم جاویدکی بازیابی کیلئےدائردرخواست نمٹائی جاتی ہے۔
اسلام آباد ہائیکورٹ نے اپنے تحریری فیصلے میں کہا کہ صنم جاویدکوسوشل میڈیا پرانتہائی محتاط رویہ اختیارکرناچاہیے، صنم جاویدکےوکیل نےمحتاط رویہ اختیارکرانےکی یقین دہانی کرائی ہے۔
