آئندہ 24 گھنٹوں کے دوران ملک کے بیشترعلاقوں میں موسم گرم اور مرطوب رہنے کی پیش گوئی۔ البتہ آزاد کشمیر، سندھ، خیبر پختونخوا اور بلوچستان کے چند اضلاع میں بارش کا امکان۔ اسلام آباد میں بھی آج شام بادل برسنے کی امید ہے۔
محکمہ موسمیات کے مطابق آج ژوب اور قلعہ سیف اللہ میں آندھی اور گرج چمک کے ساتھ بارش کا امکان ہے۔ سندھ میں تھرپارکر، عمرکوٹ،مٹھی، میرپور خاص اور سانگھڑ میں چند مقامات پر بھی بادل برس سکتے ہیں۔
دیر، سوات،چترال، کوہستان، شانگلہ، بونیر، بٹگرام، ایبٹ آباد،مانسہرہ، ہری پور، خیبر،مہمند،باجوڑ، مردان اور پشاور میں بھی بارش کی پیش گوئی کی گئی ہے۔ اسلام آباد میں دن کے وقت موسم گرم اور مرطوب رہے گا جبکہ شام کو چند مقامات پر بارش متوقع ہے۔
آزاد کشمیر اور گلگت بلتستان میں بھی مطلع جزوی ابرآلود رہنے کے ساتھ چند مقامات پر تیز ہواؤں اور گرج چمک کے ساتھ بارش کا امکان ہے۔
