وفاقی حکومت نے مہنگائی اور بجلی کے بلوں سے ستائے عوام پر پٹرول بم بھی گرا دیا۔
حکومت کی جانب سے پٹرولیم مصنوعات کی نئی قیمتوں کا اعلان کردیا گیا ہے جس کے مطابق پیٹرول کی قیمت میں 9 روپے 99 پیسے کا اضافہ کیا گیا ہے۔
وزارت خزانہ کی جانب سے پٹرولیم مصنوعات کی نئی قیمتوں کا نوٹیفکیشن بھی جاری کردیا گیا ہے۔
نوٹیفکیشن کے مطابق ہائی اسپیڈ ڈیزل 6 روپے 18 پیسے مہنگا ہوا ہے۔
نوٹیفکیشن کے مطابق پیٹرول کی فی لیٹر نئی قیمت 275 روپے 60 پیسے ہوگئی جبکہ ہائی اسپیڈ ڈیزل کی فی لیٹر قیمت 283 روپے 63 پیسے ہوگئی۔
پٹرولیم مصنوعات کی نئی قیمتوں کا اطلاق آج رات 12 بجے سے ہوگا جو آئندہ 15 روز تک نافد رہے گا۔
