لائنل میسی کی ارجنٹینا کوپا امریکا کی چیمپیئن بن گئی۔
امریکی شہر میامی میں کھیلے جانے والے کوپا امریکا فائنل میں کولمبیا اور ارجنٹینا کی ٹیمیں آمنے سامنے آئیں جس میں ارجنٹینا نے 0-1 سے کولمبیا کو شکست دے دی۔
پہلے ہاف میں دونوں ٹیمیں گول اسکور کرنے میں ناکام رہیںجبکہ دوسرے ہاف کے 64ویں منٹ میں ٹخنے کی انجری کے باعث کپتان لیونل میسی کو میدان سے باہر جانا پڑا۔ارجنٹائن کے لوتارو مارتینز نے ایکسٹراٹائم میں گول کیا،مقررہ وقت تک مقابلہ بغیر کسی گول کے برابر تھا،مقررہ وقت تک دونوں ٹیمیں گول اسکور کرنے میں ناکام رہیں اور میچ ایکسٹرا ٹائم میں چلا گیا۔
لوٹارو مارٹینیز نے ایکسٹرا ٹائم کے 112ویں منٹ میں گول اسکور کردیا جوکہ ارجنٹینا کی فتح کا پروانہ ثابت ہوا۔
ٹورنامنٹ کا بہترین کھلاڑی کولمبیا کے جیمز روڈریگوئز کو دیا گیا جبکہ بہترین گول کیپر ارجنٹینا کے ایمی مارٹینیز قرار پائے۔
ارجنٹینا دو کوپا امریکا ٹرافی کے درمیان ایک فیفا ورلڈ کپ جیتنے والی پہلی ٹیم بن چکی ہے،اس کے علاوہ میسی ارجنٹینا کے لیے سب سےزیادہ فائنل کھیلنے والے کھلاڑی بھی بن گئے، وہ 9 بار بین الاقوامی فائنلز میں اپنی ٹیم کی نمائندگی کرچکے ہیں۔
ارجنٹینا نےریکارڈ16ویں مرتبہ کوپاامریکا کا ٹائٹل جیتا،فتح کے بعد لائنل میسی آبدیدہ ہوگئے،ارجنٹینا کی ٹیم اس وقت فٹبال ورلڈکپ کی بھی چیمپیئن ہے۔
