کاونٹر ٹیرارزم ڈیپارٹمنٹ پولیس کے اینٹی ٹیرارزم فنانسنگ یونٹ نے جنجال گوٹھ میں خفیہ کارروائی کرتے ہوئے 2 دہشت گردوں کو گرفتار کرلیا۔
اینٹی ٹیرارزم فنانسنگ یونٹ سی ٹی ڈی نے جنجال گوٹھ میں کارروائی کرتے ہوئے تحریک طالبات پاکستان حافظ گل بہادر گروپ کے 2 دہشتگردوں کو گرفتار کرلیا۔
ڈی آئی جی سی ٹی ڈی آصف اعجاز شیخ نے بتایا کہ گرفتار ملزمان سوشل میڈیا نیٹ ورک کے ذریعے افغانستان میں ٹی ٹی پی قیادت سے رابطے میں تھے،گرفتار ملزمان تحریک طالبان پاکستان کے لئے فنڈز جمع کرتے تھے۔
دونوں دہشت گردوں کا تعلق ٹی ٹی پی حافظ گل بہادر سے ہے۔ حال ہی میں وزیر ستان سے کراچی آکر فنڈنگ جمع کررہے تھے۔ ملزمان کے قبضے سے فنڈنگ کی رقم بھی برآمد کرلی گئی ہے۔
گرفتار ملزمان عبدالزر اور یعقوب محسود کا تعلق وزیر ستان سے ہے،ملزمان حال ہی میں فنڈنگ آپریشن کیلئے کراچی واپس آئے تھے،گرفتار ملزمان کے قبضے سے فنڈنگ کی رقم بھی برآمد کرلی گئی،ملزمان سے مزید انٹیروگیشن کی جارہی ہے۔
