پاکستان کرکٹ بورڈ (پی سی بی) مینجمنٹ کے بعد ٹیم میں بھی سرجری متوقع ہے۔
تفصیلات کے مطابق سلیکشن کمیٹی اور مینجمنٹ کے بعد اب کھلاڑیوں کا نمبر بھی آسکتا ہے، ذرائع کا دعویٰ ہے کوچز کی رپورٹ میں جن کھلاڑیوں کی نشاندہی کی گئی انہیں کارروائی کا سامنا کرنا پڑسکتا ہے۔
ذرائع کے مطابق کوچز نے ٹیم میں گروپ بندی سمیت کئی سنگین خرابیوں کی نشاندہی کی، مینجمنٹ کے بعد گروپنگ اور خراب ڈسپلن میں ملوث بعض کھلاڑی راڈار پر آگئے۔
واضح رہے کہ گزشتہ روز ٹی ٹوئنٹی کرکٹ ورلڈکپ میں قومی ٹیم کیوں ہاری؟ خراب پرفارمنس پر سینئرمنیجر اور منیجرکو ہٹانے کی وجہ اور کوچزکی رپورٹ سامنے آگئی۔
وائٹ بال کرکٹ کے ہیڈکوچ گیری کرسٹن اور اظہرمحمود نے رپورٹ میں چند کھلاڑیوں کو غیرسنجیدہ قراردے دیا۔ شاہین آفریدی کے خراب رویے کی شکایت بھی کی گئی۔ ذرائع کے مطابق رپورٹ میں بتایا گیا شاہین آفریدی بدتمیزی کرتے ہیں۔ کسی کی بات سنتے نہیں۔ کھلاڑیوں کی لابنگ کا تذکرہ بھی کیا گیا۔
