بشریٰ بی بی کے سابق شوہر خاور مانیکا نے عدت کیس کے حوالے سے اسلام آباد کی ڈسٹرکٹ اینڈ سیشن عدالت میں مزید دو درخواستیں دائر کردی ہیں۔
خاور مانیکا کے وکیل کی جانب سے دو درخواستیں دائر کی گئیں جن میں کیس کے اہم پہلوؤں پر قانونی رائے طلب کی گئی۔
ایک درخواست میں ماہرین کی رائے دینے کے لیے میڈیکل بورڈ بنانے کی استدعا کی گئی ہے جبکہ دوسری درخواست میں اسلامی نظریاتی کونسل، وفاقی شرعی عدالت اور اسلامی اسکالرز سے رہنمائی مانگی گئی ہے۔
فاضل جج نے تمام متعلقہ فریقوں کو نوٹس جاری کرتے ہوئے درخواست کو 11 جولائی کو سماعت کیلئے مقرر کردیا ہے۔
