ورلڈ چیمپئن شپ آف لیجنڈز میں آج پاکستان اور بھارت کا مقابلہ ہوگا۔ یونس خان کی قیادت میں قومی ٹیم جیت کے لیے پرعزم ہے۔
برمنگھم میں جاری ورلڈ چیمپئن شپ آف لیجنڈز میں گرین شرٹس نے پہلے میچ میں آسٹریلیا اور دوسرے میں ویسٹ انڈیز کو ہرایا تھا۔ ٹورنامنٹ کے تیسرے میچ میں پاکستان چیمپئنز اور بھارت کی ٹیمیں مد مقابل آئیں گی۔ دونوں ٹیمیں تاحال ایونٹ میں ناقابل شکست ہے۔
واضح رہے کہ انگلینڈ کی میزبانی میں ہونے والی ورلڈ چیمپئن شپ آف لیجنڈز 2024ء میں شرکت کرنے والی 6 ٹیمیں 13 جولائی تک ایکشن میں نظر آئیں گی۔
