وزیرتعلیم پنجاب رانا سکندر حیات سے گوگل فورایجوکیشن کے وفد نے ملاقات کی جس دوران پنجاب کے 200 سکولوں میں کروم بکس دینے کا معاہدہ طے پا گیا ہے ۔
تفصیلات کے مطابق وزیر تعلیم پنجاب رانا سکندر حیات کا کہناتھا کہ گوگل ایجوکیشن ایک لاکھ طلبہ و اساتذہ کو آئی ٹی کی ٹریننگ دے گا،پہلے مرحلےمیں پبلک اسکولوں کو 100 کروم بکس دی جائیں گی، ٹیک ویلی یوکے اور کینیڈا کے ساتھ معاہدہ ڈیجیٹل پنجاب کی جانب اہم پیشرفت ہے،
رانا سکندر حیات کا کہناتھا کہ جلد میٹرک،انٹر سائنس و آرٹس کے ساتھ ٹیکنالوجی میں کرنے کی آپشن بھی ہوگا، اقدام سے اساتذہ کی پیشہ ورانہ مہارات میں اضافہ، عالمی مارکیٹ میں ڈیمانڈ بڑھے گی،گوگل کا کروم بکس کی مینوفیکچرنگ پنجاب میں کرنے کا فیصلہ بھی اہم پیشرفت ہے،
وزیر تعلیم پنجاب نے کہا کہ کروم بکس کی مقامی سطح پرتیاری انفارمیشن ٹیکنالوجی سے تعلق رکھنےوالےماہرین کیلئےاچھی خبر ہے،لاکھوں ڈالرکی فیس کےحامل کورسزپنجاب کے نوجوانوں کو بالکل مفت کروائے جائیں گے۔
