کرکٹ آسٹریلیا نے ٹیسٹ کرکٹ کو پرکشش بنانے کےلیے نئی اسکیم متعارف کروادی۔
کرکٹ آسٹریلیا کی جانب سے لکی ڈرازکااعلان کیا گیا ہے،اس سیزن میں شائقین کسی بھی ٹیسٹ کی ٹکٹ حاصل کرکے گولڈن ٹکٹ کے لکی ڈرا کاحصہ بن سکیں گے۔ لکی ڈرا جیتنے والے چھ فینز کا ٹکٹ اپ گریڈ کردیا جائے گا۔
اپ گریڈ ٹکٹ کے ذریعہ فینزکھلاڑیوں کے دستخط شدہ بیٹ جیت سکیں گے جبکہ انہیں پلیئرز سے ملنے اور پچ پر واک کا موقع ملے گا۔ کرکٹ آسٹریلیا کا نیاسیزن ستمبر سے شروع ہوگا۔
آسٹریلوی کھلاڑی اسکاٹ بولینڈ کا کہنا ہےکہ نئے سیزن کے لیےتمام پلیئرز بہت پر جوش ہیں،کرکٹ آسٹریلیا کےچیف ایگزیکٹو نک بوکلے نے بتایا کہ سیزن کے لیے فینز ہزاروں تکٹس لے چکے ہیں۔
