پاکستان کرکٹ بورڈ (پی سی بی) نے اسپورٹس صحافی عالیہ رشید کو ڈائریکٹر میڈیا اینڈ کمیونیکیشن مقرر کردیا۔
ذرائع کے مطابق چیئرمین پی سی بی مینجمنٹ کمیٹی ذکاء اشرف نے اسپورٹس صحافی عالیہ رشید کو ڈائریکٹر میڈیا اینڈ کمیونیکیشن مقرر کردیا۔
ذرائع کا کہنا ہے کہ عالیہ رشید پی سی بی میڈیا کے ہیڈ کے طور پر واحد خاتون ڈائریکٹر ہوں گی۔
واضح رہے کہ عالیہ رشید پچھلے 35 سال سے اسپورٹس جرنلسٹ کے طور پر کام کررہی ہیں اور وہ گزشتہ 8 سال سے نجی ٹی وی پر بطور کرکٹ اینالسٹ خدمات انجام دے رہی ہیں۔
