فلموں میں اپنی شاندار اداکاری اور بالی ووڈ میں شاہ رخ خان کے مدمقابل ’’رئیس‘‘ میں ڈیبیو کرنے والی پاکستان کی نامور اداکارہ ماہرہ خان نے حال ہی میں اپنے دیرینہ دوست سلیم کریم سے شادی کرکے اپنے مداحوں کو حیران کردیا۔
معروف اداکارہ ماہرہ خان سلیم کریم کے ساتھ شادی کے بندھن میں بندھ گئیں، تقریب کی کئی تصاویر اور ویڈیوز انٹرنیٹ وائرل ہیں۔جہاں ہر کوئی انکی شادی کو ڈسکس کررہا ہے۔وہاں ماہرہ خان ٹوئٹر پر بھی ٹاپ ٹرینڈ کررہی ہیں۔
View this post on Instagram
شادی کی ویڈیو میں ماہرہ خان کو سفید رنگ کے عروسی جوڑے میں دیکھا جا سکتا ہے۔جس میں وہ بہت ہی خوبصورت لگ رہی ہیں۔ماہرہ خان کے دولہا نے گہرے نیلے رنگ کی شیروانی اور ہلکے آسمانی رنگ کا کلہ پہن رکھا تھا۔ دلہن ماہرہ کو دیکھتے ہی سلیم کریم آبدیدہ ہوگئے۔
Pakistani actress, Mahira Khan has tied the knot with business tycoon, Salim Karim.#mahirakhanwedding #MahiraKhan pic.twitter.com/Tmh4GzW6kq
— Malik Hassan (@mlikhasan) October 2, 2023
سلیم کریم کون ہیں؟
سلیم کریم ایک کاروباری شخصیت ہیں جنہوں نے سمپیسا کے سی ای او کے طور پر کاروباری دنیا میں اپنی شناخت بنائی ہے۔ سلیم بزنس مین ہونے کے علاوہ ایک پروفیشنل ڈی جے بھی ہیں اور ان کا پاکستانی شوبز سے کوئی تعلق نہیں ہے۔
ماہرہ خان اور سلیم کریم پہلی دفعہ کب ملے؟
رپورٹس کے مطابق سلیم اور ماہرہ پہلی بار 2017 میں ٹیلی ویژن ایپلی کیشن ٹیپ میڈ کی ایک تقریب میں ملے تھے۔
ماہرہ خان کی پہلی شادی کب ہوئی؟
اس سے قبل 2007 میں اداکارہ ماہرہ خان کی علی عسکری سے پہلی شادی ہوئی تھی تاہم 2015 میں جوڑے نے علیحدگی اختیار کرلی تھی ، پہلی شادی سے ماہرہ خان کا ایک 13 سالہ بیٹا ہے۔
