پاکستان اور انگلینڈ کی ویمنز ٹیموں کے درمیان ون ڈے سیریز کا دوسرا میچ بارش کے باعث منسوخ ہوگیا۔
انگلینڈ اور پاکستان کی ویمنز ٹیمیں دوسرے ون ڈے کے لئے ٹاؤنٹن میں مدمقابل تھیں جہاں گرین شرٹس نے ٹاس جیت کر پہلے بیٹنگ کا فیصلہ کیا تاہم، میچ بارش کے باعث منسوخ کر دیا گیا۔
پاکستان نے اپنی اننگ میں بغیر کسی نقصان کے 6.5 اوورز میں 29 رنز بنائے تھے۔
میچ منسوخ ہونے کے بعد دونوں ٹیموں کو ایک ، ایک پوائنٹ دے دیا گیا ہے۔
دونوں ٹیموں کے درمیان سیریز کا تیسرا میچ 29 مئی کو کھیلا جائے گا۔
یاد رہے کہ انگلینڈ ویمن کرکٹ ٹیم کو پاکستان کے خلاف سیریز میں 0-1 کی برتری حاصل ہے۔
