پاکستان اور انگلینڈ کے درمیان چار میچوں کی سیریز کا پہلا ٹی20 میچ بارش کے باعث منسوخ ہو گیا ہے۔
تفصیلات کے مطابق لیڈز، یارکشائر میں پاکستان اور انگلینڈ کے درمیان چار میچوں کی سیریز کا پہلا ٹی20 میچ شیڈول تھا لیکن بارش کی وجہ سے میچ کو ٹاس سے آدھا گھنٹہ قبل ہی منسوخ کرنے کا اعلان کردیا گیا۔
دونوں ٹیموں کے درمیان چار میچز پر مشتمل ٹی20 سیریز کا دوسرا میچ 25 مئی کو کھیلا جائے گا۔واضح رہے کہ 2022 کے ٹی20 ورلڈ کپ کی فائنلسٹ دونوں ٹیموں کے درمیان اس میچ کو ورلڈ کپ 2024 کی تیاریوں کے حوالے سے انتہائی اہم قرار دیا جا رہا ہے۔
