ڈالر کی گرتی قدر کے ثمرات سامنے آنا شروع ہوگئے، فیصل آباد میں ٹیکسٹائل انڈسٹری کی ایکسپورٹ میں 10 فیصد تک اضافہ ہوگیا، بند یونٹس پھر سے چلنے لگے۔
ڈالر کے مقابلے میں روپیہ تگڑا ہونے کے اثرات آگے لگے، ٹیکسٹائل انڈسٹری کا پہیہ بھی چلنے لگا، فیصل آباد کے صعنتکاروں کو بیرونی آرڈرز ملنے لگے۔
رپورٹ کے مطابق ٹیکسٹائل کی برآمدات میں ستمبر میں 10 فیصد تک کا اضافہ ہوگیا، گارمنٹس کے ساتھ ساتھ ہوم ٹیکسٹائل کی ایکسپورٹ بھی بڑھنے لگی، بیشتر بند یونٹس کھل گئے۔
صنعتکاروں کا کہنا ہے کہ مہنگائی کے باعث تین سے 4 ارب ڈالر کی برآمدات کم ہوئی، حالات سازگار ہوں تو اسے بڑھانا مسئلہ نہیں۔
ایکسپورٹرز کے مطابق ملنے والے آرڈرز میں زیادہ تر کرسمس تہوار کے ہیں۔
