ایف سی بلوچستان نے قومی شاہراہ این 65 پر بروقت کارروائی کرتے ہوئے متعدد قیمتی زندگیاں بچالیں۔
تفصیلات کے مطابق بلوچستان میں قومی شاہراہ این 65 پر پنجرہ پل کے مقام پر آئل ٹینکر کو آگ لگ جانے سے سینکڑوں گاڑیاں پھنس گئیں۔ گاڑیوں میں خواتین، بچوں سمیت ہزاروں شہریوں کی ایک بڑی تعداد موجود تھی۔
ایف سی بلوچستان (نارتھ) کے جوانوں نے لیویز کے ساتھ ملکر شہریوں کو نکالا اور ٹریفک رواں دواں رکھنے کیلئے کاوشیں کیں۔ قومی شاہراہ کو اب ہر قسم کی ٹریفک کیلئے کھول دیا گیا ہے۔
