اوورسیز پاکستانیوں نے اپریل میں ریکارڈ توڑ ڈالر پاکستان بھیج کر زبردست کارنامہ سرانجام دیدیا ہے ۔
تفصیلات کے مطابق اپریل میں اوور سیز پاکستانیوں کی جانب سے 2 ارب 80 کروڑ ڈالر وطن بھیجے گئے ہیں جو کہ گزشتہ سال اپریل کے مقابلے میں 28 فیصد زیادہ ہیں ۔رواں سال کے دس ماہ میں اوورسیز پاکستانیوں نے 23 ارب 80 کروڑ ڈالر وطن بھیجے، سعودیہ عرب میں مقیم پاکستانی اپریل میں 71 کروڑ ڈالر بھیج کر پہلے نمبر پر رہے جبکہ یو اے ای سے 54 کروڑ اور برطانیہ سے 40 کروڑ ڈالر بھیج کر اوورسیز پاکستانی سرفہرست رہے۔اسٹیٹ بینک نے ترسیلات زر موصول ہونے کے اعدادوشمار جاری کردیئے۔
