اسٹیٹ بینک آف پاکستان ( ایس بی پی ) نے ترسیلات زر موصول ہونے کے اعداد و شمار جاری کر دیئے۔
سٹیٹ بینک کے مطابق رواں سال کے 10 ماہ میں اوورسیز پاکستانیوں نے 23 ارب 80 کروڑ ڈالر وطن بھیجے۔
اوورسیز پاکستانیوں نے گزشتہ ماہ اپریل میں 2 ارب 80 کروڑ ڈالر کی ترسیلات وطن بھیجیں جبکہ گزشتہ سال اپریل کے مقابلے میں اوورسیز نے 28 فیصد زیادہ ڈالرز پاکستان بھیجے۔
سعودیہ میں مقیم پاکستانی اپریل میں 71 کروڑ ڈالر بھیج کر سرفہرست رہے جبکہ متحدہ عرب امارات ( یواے ای) سے 54 کروڑ اور برطانیہ سے 40 کروڑ ڈالر وطن بھیجے گئے۔
